रौतहट २४,पुस – चन्द्रदोय साकोसले आफ्नो बृहत रक्तदान कार्यक्रममा सहभागी रक्तदाता र मनकारी व्यक्तिहरूको सहयोगको सम्मान गर्दै ख्रीटियन समाज चन्द्रपुरलाई कदर पत्र प्रदान गरेको छ। साकोसको कार्यालयमा आयोजना गरिएको एक सम्मान समारोहमा साकोसका अध्यक्ष बसन्त आचार्यले ख्रीटियन समाजलाई कदर पत्र हस्तान्तरण गरे। यस अवसरमा साकोसका संचालक सदस्य शिवराम राउत, चित्र ब. सापकोटा लगायत समाजका सदस्यहरूको उपस्थिति रहेको थियो।
समारोहमा ख्रीटियन समाजका सदस्य मुना ढुंगेलले आगामी दिनमा साकोस र समाज बीच मानवीय कार्यमा सहकार्य जारी राख्न आवश्यक भएको धारणा व्यक्त गरे। उनले यस्तो सहयोग र सहकार्यले समुदायमा सकारात्मक परिवर्तन ल्याउने विश्वास व्यक्त गरे।
साकोस र ख्रीटियन समाज चन्द्रपुर बीचको सहकार्य र समर्थनको यो पहललाई भविष्यमा थप सशक्त बनाउन सबै सदस्यहरूको सक्रिय सहभागिता र एकजुटतामा जोड दिइएको छ ।
