मुकेश कुमार साह,रौतहट ९ माघ । सगरमाथा लुम्बिनी इन्स्योरेन्स लिमिटेडले चन्द्रपुर नगरपालिका वडा नं. ६ बेल्डीमा अपाङ्ग, अशक्त तथा अतिविपन्न ३० जनालाई न्यानो कम्बल वितरण गरेको छ।
इन्स्योरेन्सले आफ्नो सामाजिक उत्तरदायित्व अन्तर्गत आज मधेस प्रदेशका आठवटै जिल्लामा न्यानो कपडा वितरण गर्ने अभियान न्यानो कम्बल वितरण गरेको हो ।
शाखा प्रमुख जीवन कट्वालले न्यानो कपडा वितरण सामाजिक उत्तरदायित्व अन्तर्गत गरिएको र यसले जाडो मौसममा गरिब तथा विपन्न समुदायलाई सहयोग पुग्ने विश्वास व्यक्त गरे । युवा समाजसेवी श्यामहरि चौलागाईंले यस्तो मानवीय कार्य गर्दै आएकोमा सगरमाथा लुम्बिनी इन्स्योरेन्स लिमिटेडलाई धन्यवाद व्यक्त गर्दै संस्थाको प्रयासलाई प्रशंसा गरे ।
यस अभियानले चिसोबाट पीडित व्यक्तिहरूलाई राहत पुर्याउन महत्वपूर्ण योगदान पु¥याएको भन्दै स्थानीयहरूले पनि प्रशंसा व्यक्त गरेका छन्। उक्त वितरण कार्यक्रममा युवा समाजसेवी श्यामहरि चौलागाईं, वडा नं. ६ का वडा सदस्यहरू सन्नी राउत, करियोद चौधरी, सपना परियार, तथा स्थानीय भद्रभलादमीको उपस्थिति रहेको थियो ।
सगरमाथा लुम्बिनी इन्स्योरेन्सद्वारा चन्द्रपुरमा न्यानो कम्बल वितरण
