रौतहट १७ असार। सशस्त्र प्रहरी बल, नेपाल नं. ११ गण हेडक्वाट रौतहटले बिरुवा बरामद गरेको छ ।
पिकअप गाडी सहित सुन्तलाका बिरुवा बरामद भएको हो ।सोमबार बिहान रौतहट राजदेवी न.पा.- २ सिर्सिया ईलाकामा सशस्त्र प्रहरी बल, नेपाल सुरक्षा बेश फतुहा रौतहटबाट खटिई गएको गस्ती टोलीले भन्सार छली भारतबाट नेपाल तर्फ प्रदेश २-०३ ००१-च ४६७५ नम्बरको योद्धा पिकअपमा राखी ल्याउदै गरेको चार हजार तीन सय असी वटा सुन्तलाको बिरुवा सहित पिकअप बरामद गरेको जनाएको छ ।
बरामद बिरुवा आवश्यक कारबाहीको लागि गौर भन्सार कार्यालय रौतहटमा बुझाउँदा सुन्तलाको बिरुवाको मुल्य
एक लाख एकतीस हजार चार सय र पिकअपको मुल्यको दश लाख भन्सार कार्यालय गौरमा बुझाएको सशस्त्र प्रहरीले जानकारी दिएको छ ।
