रौतहट, ३१ असार । गढिमाई नगरपालिका स्थित वागमती नदीमा नुहाउने क्रममा एक बालक डुबेर वेपत्ता भएका छन।
गढिमाई नगरपालिका वडा नम्वर ३ लक्ष्मिपुर टोलका हस्बुद्दिन कवाडीका १० बर्षिय छोरा सफर कवाडी वागमती नदीमा नुहाउन जाँदा सोमवार दिउसो १ बजेको समयमा डुबेर वेपत्ता भएको सशस्त्र प्रहरी बल नेपाल नम्वर ११ गण रौतहटले जनाएको हो ।
घरबाट वागमती नदीमा नुहाउन बालक कवाडी संगै १३ बर्षिय सैदुला कवाडी पानीमा डुब्न लाग्दा स्थानीयहरुले उद्धार गरेको तर डुब्ने क्रममा पानी खाएर घाईते भएका थिए ।
उनको गरुडा स्थित रोमा अस्पतालमा उपचार भईरहेको तथा अवस्था खतरामुक्त रहेको सशस्त्र प्रहरीका एसपी विक्रम हुमागाईले जानकारी दिए ।
अर्का ८ बर्षिय बालक हसर कवाडी सकुशल रहेको र वेपत्ता बालकको सशस्त्र प्रहरी निरीक्षक भुवन घिमिरेको कमाण्डमा रबर बोट सहितको टोलीले खोजी गरीरहेको कार्यलाई एसपी हुमागाईले जनाएका छन ।
बालक डुबेर बेपत्ता
