रौतहट १ साउन । बागमती नदीमा डुबेर बेपत्ता भएका बालकको शव फेला परेको छ ।
असार ३१ गते दिउसो रौतहटको गढिमाई न.पा. -३ लक्ष्मीपुर बस्ने हकुदिन कवाडीको छोरा बर्ष १० को सफर कवाडी बागमती नदीमा पौडी खेल्ने क्रममा पानीमा डुबेर बेपत्ता भएका थिए ।
पानी मा हराइरहेका बालक लाइ खोज्न सशस्त्र प्रहरी बल को विपद् उद्दारका सामाग्रीहरु सहित ३० जनाको उद्दार टोली परिचालन भई नेपाली सेना र नेपाल प्रहरीको संयुक्त टोलीले खोजी गरेको थियो ।
बिहीवार बिहान गढीमाई न.पा.-७ धर्मपुर स्थित बेपत्ता भएको स्थानबाट दक्षिण तर्फ बागमती नदीको किनारमा फेला पारेको छ ।
वागमती नदीमा नुहाउन मृतक बालक कवाडी संगै गएका १३ बर्षिय सैदुला कवाडी पानीमा डुब्दा स्थानीयहरुले उद्धार गरेको उनी पानी खाएर घाईते भएका थिए ।
उनको गरुडा स्थित रोमा अस्पतालमा उपचार भईरहेको र अवस्था खतरामुक्त रहेको सशस्त्र प्रहरीका एसपी विक्रम हुमागाईले जानकारी दिए ।
