रौतहट २७ असार / चन्द्रपुर नगरपालिकाले विपद् प्रतिकार्य सामग्री तीन वटै सुरक्षा निकायलाइ हस्तान्तरण गरेको छ।
चन्द्रपुर नगर विपद् व्यवस्थापन समितिका अध्यक्ष समेत रहेका मेयर सञ्जयकुमार काफ्लेले नेपाली सेनाको श्री बीर दल चन्द्रनिगापुर , इलाका प्रहरी कार्यालय चन्द्रनिगाहपुर, सशस्त्र प्रहरी बल नेपाल सुरक्षा बेस क्याम्प सन्तपुर लाइ सो सामग्री बुधवार हस्तान्तरण गरेका छन ।
मेयर काफ्ले चन्द्रपुर नगरपालिकालाई विपदबाट हुने संकटबाट जोगाउन चन्द्रपुर नगरपालिका सदैव प्रतिबद्ध रहेको धारणा राखेका छन ।
मेयर काफ्ले चन्द्रपुर मा निर्वाचित भएर आएदेखि नै चन्द्रपुर नगरपालिकाका विपद्को जोखिममा रहेका बस्ती तथा समुदायहरूको पहिचान गरी उनीहरुलाई विपदबाट जोगाउन विभिन्न कार्यक्रमहरु सञ्चालन गरेको बताए ।
चन्द्रपुर नगरपालिकाका प्रमुख प्रशासकीय अधिकृत किरणनिधि तिवारीले चन्द्रपुर नगरपालिका आफ्ना नागरिकलाई विपदबाट हुनसक्ने जोखिमबाट जोगाउन योजनाबद्ध ढंगले प्रतिबद्ध भएर लागेको बताएका छन ।
सो कार्यक्रममा चन्द्रपुर नगरपालिकाका उपमेयर जयमाला चौधरी, चन्द्रपुर नगरपालिकाका शाखा अधिकृत मिश्रीलाल साह ,विभिन्न सुरक्षा निकायका अधिकारीहरू, लगायतको सहभागिता रहेको थियो।
उद्दारका सामाग्रीहरु सुरक्षानिकाय लाई हस्तान्नतरण
