रौतहट ११ साउन। नक्कली नोट सहित दुई जनालाइ प्रहरीले पक्राउ गरेको छ ।
१० गते बेलुका ईलाका प्रहरी कार्यालय, चन्द्रनिगाहपुर रौतहटबाट खटिएको प्रहरी गस्ति चेकिङ टोलीले चन्द्रपुर न.पा. वडा नं. १० बालचनपुर स्थित राजकुमार साहले संचालन गरेको महावीर आयल स्टोर्स पेट्रोल पम्पमा बागमती प्रदेश ०२-०२१ प. ६३६८ नम्बरको सुपर स्पेलेण्डर मोटरसाइकलमा पेट्रोल हालीरहेको मोटरसाइकलमा नक्कली नोट ओसार पसार भइरहेको भन्ने सुचानाको आधारमा उक्त मोटरसाइकल चेकजाँच गर्ने क्रममा नक्कली नोट बरामद भएको थियो ।
मोटरसाइकल चालक जिल्ला सर्लाही गोडैता न.पा. वडा नं. ८ बस्ने बर्ष ३२ को नजरे आलम र जाहिर मिया दर्जीको छोरा बर्ष २४ को ईमामुल हक दर्जीलाई खानतलासी गर्दा इमामुल हक दर्जीले चलाएको प्रदेश ०२-०२१ प. ६३६८ नम्बरको सुपर स्पेलेण्डर मोटरसाइकलको सिट कभरमा नक्कली नोट एक हजार को १३ थान तथा मोटरसाइकल बरामद गरी अनुसन्धान भइरहेको जिल्ला प्रहरी कार्यालय रौतहटले जनाएको छ ।
