रौतहट ६ असार । श्रोत नखुलेको १४ लाख ८० हजार नेपाली नोट सहित एक भारतीय युवकलाई पक्राउ गरेको छ ।
सशस्त्र प्रहरी बल नेपाल बोर्डर आउट पोष्ट सरमुजवाको टोलीले र सशस्त्र प्रहरी बल, नेपाल नं. ११ गण रौतहटले १४ लाख ८० हजार श्रोत नखुलेको नेपाली रुपैया बरामद गरेको हो ।
६ गते अन्दाजी १० बजेको समयमा बौधिमाई न.पा.- ७ अंकुल स्थित भन्सार गेटमा सशस्त्र प्रहरी बल, नेपाल बोर्डर आउट पोष्ट सरमुजवा बाट खटिएको टोलीले भारतबाट नेपाल तर्फ आउदै गरेको बीआर ०५ बि ६२१२ नम्बरको मोटरसाईकललाई चेकजाँच गर्ने क्रममा मोटरसाईलकलको सिट मुनि लुकाई राखेको श्रोत नखुलेको नेपाली रुपैया चौध लाख असी हजार नगद सहित मोटरसाईकल चालक भारतको जिल्ला पूर्वी चम्पारण मोतिहारी झरोखर-७ जमुनिया बस्ने वर्ष ३१ को गजेन्द्र रायलाई नियन्त्रणमा लिएको छ ।
आवश्यक कारवाहीको लागि नगद, मोटरसाईकल र मानिस गौर भन्सार कार्यालय मा बुझाउँदा मोटरसाईकलको मुल्य दुई लाख र नेपाली रुपैया चौध लाख असी हजार गरी जम्मा भन्सार मुल्य सोर लाख असी हजार कायम भएको सशस्त्र प्रहरी उपरिक्षक बिक्रम हुँमागाईले बताएका छन् ।
पक्राउ परेका गजेन्द्रले मोटरसाइकल तथा शरीरको खुट्टा, कम्मर मा लुकाएर ल्याउँदै गरेको अवस्थामा स्रोत नखुलेको रकम फेला पारिएको सशस्त्र प्रहरीले जनाएको छ ।
