रौतहट १५ असार। गरुडा नपाको सखुवा र जयनगरको विचमा शनिवार बिहान बस दुर्घटना हुदा एक जनाको ज्यान गएको छ ।
ना ७ ख ८४१४ नम्बरको बस दुर्घटना हुँदा माधवनारायण नगरपालिका वडा नम्वर ३ भेल्ही की १८ बर्षिया नेहा कुमारी गिरीको मृत्यु भएको छ भने एक जना गम्भीर र सात जना सामान्य घाइते भएको जिल्ला प्रहरी कार्यालय रौतहटले जनाएकाे छ ।
गौरबाट भैरहवा तर्फ गईरहेका बस गौर चन्द्रपुर सडक खण्ड अन्तर्गत पर्ने गरुडा नगरपालिका वडा नम्वर १ स्थित जयनगर चोक नजिक शनिवार विहान करीव ८ बजे अनियन्त्रित भई दुर्घटना भएको थियो ।
बस दुर्घटनाको खवर पाउना साथ इलाका प्रहरी कार्यालय गरुडा र शिवनगरबाट गएको प्रहरी टोलीले घाइतेहरुको उद्धार गरी स्थानीय अस्पताल हरुमा उपचारको लागि पठाइएको रौतहटका प्रहरी प्रवक्ता एवं डिएसपी एलिजा गिरीले जानकारी दिएकी छिन ।
घटना पछि बस चालक फरार रहेको हुँदा खोजी भईरहेको तथा दुर्घटना सम्बन्धमा प्रहरीले अनुसन्धान गरिरहेको डिएसपि गिरीले जानकारी दिएकी छिन ।
