रौतहट २२ जेठ । जिल्लाको राजपुर नगरपालिकामा एक जना भारतीय नागरिकको घाँटी रेटेर हत्या भएको छ ।
राजपुर नपा -१ पिपरा भगवानपुर टोल स्थित इद्रिस गेट नजिक अन्दाजी ४५ वर्षीय भारतीय नागरिकको शव फेला परेको जिल्ला प्रहरी कार्यालय रौतहटले जनाएको छ ।
धारिलो हतियार प्रयोग गरी घाँटी रेटेर हत्या गरिएको प्रारम्भिक अनुशन्धान बाट देखीएको जिल्ला प्रहरी कार्यालय का डीएसपी एलिजा गिरीले बताएकी छिन्।
मृतकको साथमा भेटिएको कागज पत्रमा भारत को बिहार स्थित मोतीहारी जिल्ला ठेगाना लेखेको भेटीएको डिएसपी गिरीले जानकारी दिएकी छिन ।
मृतकको स्पष्ट सनाखत नभएकाले नाम सार्वजनिक नगरिएको र शव पोस्टमार्टमका लागि प्रादेशिक अस्पताल गौरमा लगिएको प्रहरीले जनाएको छ ।
शव नजिकै भारतिय नम्वरको सिजे ०१- २५६८ नम्बरको मोटरसाइकल भेटिएको छ ।
शव भएको स्थान मै हत्या भएको हो वा अन्य ठाउँमा हत्या गरी शव ल्याएर फ्याकेको हो भन्ने बारेमा अनुशन्धान भैरहेको जिल्ला प्रहरी कार्यालय रौतहटले जनाएको छ ।
