रौतहट २९ जेठ । ईलाका प्रहरी कार्यालय बन्जरहाले बाट भारत बाट नेपाल भित्राएको माछा बरामद गरि नष्ट गरेको छ ।
प्रहरी चेकजाँच टोलीले रौतहट ईशनाथ न.पा. वडा नं. १ स्थितमा विभिन्न सवारी साधन तथा पैदल यात्रुहरु समेतको चेकजाँच गर्ने क्रममा BR30AB3248 नम्बरको मोटरसाईकलमा भारतबाट नेपाल तर्फ अबैध रुपमा ल्याउँदै गरेको १५० किलो माछा नियन्त्रणमा लिईएको जनाएको छ ।
भारतबाट नेपाल तर्फ माछा ल्याई बिक्री वितरण गर्न रोक लगाईएको हुँदा उक्त माछा स्थानिय गाउका अगुवा तथा संचारकर्मीहरुको रोहवरमा नष्ट गरेको डिएसपी एलिजा गिरी जानकारी दिएकी छिन ।
