रौतहट ३० बैसाख / स्वर्गिय मनोज कुमार चौधरीको तेस्रो पुण्यतिथिको अवसरमा गरुडाको मेथुर चौकमा दिप प्रज्वलन तथा श्रद्धाञ्जली अर्पण कार्यक्रम आयोजना गरिएको छ ।
एक असल सामाजीव व्यक्ती र सफल संचारकर्मी तथा मध्य रौतहट बहुमुखी क्याम्पस गरुडाका कर्मचारी गरुडा निवासी मनोज कुमार चौधरीको अल्पआयुमा तीन बर्ष अघि भएको निधनप्रति दिप प्रज्वलन गरि श्रद्धाञ्जली कार्यक्रम आयोजना गरिएको छ ।
गरुडा नगरपलिकाको नगर उप प्रमुख तथा स्वर्गीय चौधरीको श्रीमती पुनम कुमारी चौधरी तथा उनका दाइ रामकृष्ण चौधरीले आयोजना गरेको तेस्रो पुण्यतिथिमा श्रद्धा सुमन कार्यक्रम वैशाख २९ गते साँझ ७ बजेको आयोजना गरिएको थियो ।
२०३६ साल मंसिर २६ गते जन्मिएका स्व. चौधरीको ३ वर्ष अगाडि २०७८ वैशाख २९ गतेका दिन ४२ वर्षको उमेरमा निधन भएको थियो । कोरोना कालमा स्व. चौधरी पनि काेविडले ग्रसित भई बिरगंजमा उपचारको क्रममा निधन भएको थियो ।
