रौतहट, ७ जेठ । बूढानीलकण्ठ क्षेत्रमा सुन लुटपाट गर्ने रौतहटका दुई जनालाई प्रहरीले पक्राउ गरेको छ ।
प्रहरी वृत्त महाराजगञ्जको टोलीले बूढानीलकण्ठ नगरपालिका–२ विएमसी स्कुल र माथिल्लो भङ्गाल क्षेत्रमा महिलाले लगाएको गहना लुटपाटमा संलग्न दुई जना युवकलाई आइतबार बूढालीनकण्ठ क्षेत्रबाट पक्राउ गरेको जनाएको छ ।
पक्राउ पर्नेमा रौतहटको मौलापुर नगरपालिका–४ का १९ वर्षीय सरोजकुमार साह र २० वर्षीय राधेश्याम साह रहेकाे प्रहरीले जनाएको छ ।
जिल्ला प्रहरी परिसर काठमाडौंका प्रवक्ता प्रहरी उपरीक्षक नवराज अधिकारीले विएमसी स्कुल नजिक ७५ वर्षीया शारदा थापाको एक तोला ९२ लाल सुन लुटपाटमा सरोजकुमार र माथिल्लो भङ्गालमा सुमित्रा श्रेष्ठको सुन लुटपाटमा संलग्न राधेश्यामलाई पक्राउ गरिएको जानकारी दिएका छन ।
सुन लुटपाट गर्ने रौतहटका दुई यूवक पक्राउ
