रौतहट ३१ बैसाख । भन्सार छली ल्याउँदै गरेको मोटरसाइकल को स्पेयर पार्टसहरु प्रहरीले गौरबाट बरामद गरेको छ ।
जिल्ला प्रहरी कार्यालय बाट खटिएको प्रहरी गस्ती टोलीले गौर न.पा वडा नं.५ स्थित विभिन्न सवारी साधन तथा पैदल यात्रुहरु समेतको चेकजाँच गर्ने क्रममा भारतबाट अबैध रुपमा भन्सार छली ल्याउँदै गरेका मोटरसाईकलको स्पेयर पार्टसहरु लगायतका सामान बरामद गरेको छ ।
एक लाख सत्तरी हजार दुई सय एकसठ्ठी बराबरको मोटरसाइकलको स्पेयर पार्टस लगायतका -सामानहरु स्थानिय को रोहवरमा बरामद गरी आवश्यक कारवाहीको लागी गौर भन्सार कार्यालय रौतहटमा बुझाएको सूचना अधिकारी एवम डिएसपी एलिजा गिरीले जानकारी दिएकी छिन ।
