रौतहट २० बैसाख । प्रहरी चौकी बंकुल बाट खटिएको प्रहरी गस्ती टोलीले भारत बाट क्वारेन्टाइन छलेर नेपाल भित्राएको कुखुरा बरामद गरेको छ ।
गस्ती गर्दै जाने क्रममा जिल्ला रौतहट बौधिमाई न.पा. वडा नं. ७ स्थित भारतबाट अबैध रुपमा भंसार छलि चोरी पैठारी गरी बोईलर कुखुरा साईकलमा लोड गरी नेपालतर्फ ल्याउदै गरेको अवस्थामा प्रहरी टोलीलाई देखी बोईलर कुखुरा फाली साईकल लिई मानिस फरार भएको प्रहरीले जनाएको छ ।
प्रहरी टोलीले वेवारिसे अवस्थामा फेला पारेको १ सय ६ वटा बोईलर कुखुरा बरामद गरी जिल्ला प्रहरी कार्यालय रौतहटको प्राङगणमा जन प्रतिनिधी, संचारकर्मीहरु तथा प्रहरी समेतको रोहबरमा १, लाख २७ हजार,२ सय बराबरको बोईलर कुखुरा नष्ट गरीएको जिल्ला प्रहरी कार्यालय गौर कि डिएसपी एलिजा गिरी ले जानकारी दिएकी छिन ।
