रौतहट,३१ बैसाख । नेकपा एमाले गुजरा नगर कमिटिको दोश्रो नगर अधिवेशन सम्पन्न भएको छ ।
अधिवेशनमा नगर कमिटिको अध्यक्षमा जयराम चौधरी निर्वाचित भएका छन ।
सोमबार भएको निर्वाचनमा गुजरा नगर कमिटिको अध्यक्षमा चौधरी निर्वांचित भएका हुन ।निर्वाचित अध्यक्ष चौधरीले १ सय २९ मत ल्याएका थिए भने उनका प्रधिस्पर्धी तुला बहादुर प्रधानले ७१ मत ल्याएका थिए ।
यसैगरी उपाध्यक्षमा चन्द्रमान थिङ बिजयी भएका छन । थिङले ९० भोट ल्याएका थिए भने अर्का उपाध्यक्षका उमेम्दवार शेख इजारले ८५ मत ल्याएका थिए ।
यसैगरी सचिबमा रामबाबु चौधरी निर्बिरोध निर्वाचीत भएका छन भने उपसचिबमा शेख अबु र महिला उपसचिबमा अनतिया देबि बिजयी भएका छन ।
यस्तै लेखा समितिको अध्यक्षमा निरंजन पुरी निर्बिरोध बिजयी भएका छन भने समितीको सचिबमा सम्झना तिवारी निर्वाचित भएकी छिन ।
शनिबार उद्घाटन भएको नगर अधिवेशन सोमबार सम्पन्न भएको हो ।
नेकपा एमाले गुजरा नगर कमिटिको अधिवेशन सम्पन्न
