रौतहट १७ जेठ । ईलाका प्रहरी कार्यालय कोपवा पिपरीया र प्रहरी चौकी बंकुल बाट खटिएको प्रहरी गस्ती टोलीले भन्सार छलेको समान बरामद गरेको छ ।
गस्ती गर्दै जाने क्रममा बौधिमाई न.पा वडा नं.६ स्थितमा भारतबाट अवैध रुपमा भन्सार छली गरी किराना र लत्ताकपडा लगायतका सामान मोटरसाइकलमा ल्याउँदै गरेको अवस्थामा प्रहरी टोलीले बरामद गरेको छ ।
प्रहरीलाइ देखेर सामान सहित मोटरसाइकल छोडेर भागी फरार भएको र वेवारिसे अवस्थामा रहेको
दुई लाख अठहत्तर हजार पाँच सय चालिस रुपैया बराबरको किराना सामान, लत्ताकपडा र २ थान मोटरसाइकल बरामद गरी कारवाहीको लागी गौर भंसार कार्यालय रौतहटमा दाखिला गरेको जिल्ला प्रहरी कार्यालय रौतहटले जनाएको छ ।
भन्सार छली गरेको कपडा र किरानाको समान बरामद
