रौतहट २० बैशाख । माधवनारायण नगरपालिका ६ विनटोलमा आगलागी हुदा ५ घर जलेका छन ।
बिहीवार दिउँसो साढे १ बजे स्थानिय मोहिचन्द मुखियाको फुस र खपडाको छाना भएको कच्ची घर बाट आगो सल्किएर रामानन्द मुखिया, शिवजी बिन, राज नारायण मुखिया, र हृदय नारायण मुखियाको घर गोठ जलेर नष्ट भएको छ ।
घर गोठ जलेर अन्नपात, लत्ताकपडा, गरगहना, नगद सहित ७ लाख ५० हजार ५ सय रुपैया को क्षती भएको सशस्त्र प्रहरी रौतहटका प्रमुख एसपी बिक्रम हुमागाईंले जानकारी दिएका छन ।
आगो निभाउन सुरक्षा वेसक्याम्प भलोहियाबाट सई भैरो बहादुर राईको कमाण्डमा गएको ७ जना, प्रहरी चौकी मधोपुरबाट असई शेख हुल सुल्ताहको कमाण्डमा गएको ७ जना, गौर नगरपालिकाको दमकल र स्थानियहरुको सहयोगमा आगलागी नियन्त्रणमा आएको सशस्त्र प्रहरी रौतहटले जनाएको छ।
