रौतहट, १७ वैशाख । दुर्गा भगवती गाउँपालिकाको बडहर्वा टोलमा सोमवार साँझ आगलागि हुँदा चार घर जलेको छ ।
दुर्गा भगवती गाउँपालिका वडा नम्वर ५ बागमती नदी पारी बडहर्वा का शत्रुधन बैठाको घरमा साँझ ७ बजेको समयमा खाना पकाउने क्रममा अचानक आगो सल्किदा तीन जना छिमेकीको घर समेत जलेको हो ।
सशस्त्र प्रहरीको विओपी छतौना सर्लाहीका सशस्त्र प्रहरी नायव निरीक्षक देवकृष्ण पाण्डेको कमाण्डमा ९ जना र इलाका प्रहरी कार्यालय गडहियाबाट गौरीशंकर साहको कमाण्डमा ५ जना र प्रहरी चौकी बडहर्वाबाट प्रनानी राजन सिंहको कमाण्डमा तीन जना आगो लागेको स्थानमा पुगेर स्थानीय बासिन्दाहरुको सहयोगमा आगो नियन्त्रणमा लिएको सशस्त्र प्रहरी बल नेपाल नम्वर ११ गण हजमिनिया रौतहटले जनाएका छन् ।
सशस्त्र प्रहरी रौतहटका एसपी विक्रम हुमागाईले शत्रुघन बैठा धोवीको घरमा ८० हजार, नवल सहनीको चार लाख, द्वारिका सहनीको पाँच लाख, छटु साह सोनारको घरमा ५० हजार गरेर १० लाख ३० हजारको धनमाल क्षति भएको बताएका छन ।
फाइल फोटो
बडहर्वा टोलमा आगलागि हुँदा चार घर जले
