रौतहट, २५ चैत । गुजरा नगरपालिकामा ट्रेक्टरको ठक्करबाट १३ बर्षिय बालकको मृत्यु भएको छ ।
धन्सारबाट जंगलसैया तर्फ जादै गरेको ना ७ त ७५७ नम्वरको ट्रेक्टरले गुजरा नपा ४ मुस्लिम टोल स्थित मामाघरमा बस्दै आएका शेख हसमुल्लाको १३ बर्षिया छोरा शेष सहनवाज लाई ठक्कर दिएको हो ।
साइकल चढेर बाटो काट्ने क्रममा आईतवार विहान करिव ७ बजेको समयमा ठक्कर दिदा टाउकोमा चोट लागेर गम्भीर घाइते बालकलाई उपचारको लागि चन्द्रपुर तर्फ पठाइएकोमा बाटोमै मृत्यु भएको मृतकका बाबु शेष हसमुल्लाह ले बताएका छन ।
बालकको शवलाई घटनास्थलमा राखी आक्रोशित गाउँलेहरुले जंगलसैया धन्सार सडक अवरुद्ध बनाएका छन् ।
घटनास्थालमा जंगलसैया स्थित पोष्टका सशस्त्र प्रहरी नायव निरीक्षक जितेन्द्र साहको कमाण्डमा ६ जना र ईप्रका लक्ष्मिनिबाट सिकेन्द्र साहको कमाण्डमा १३ जनाको टोली खटिई ट्रेक्टरको चालकलाई नियन्त्रणमा लिई ईलाका प्रहरी कार्यालय लक्ष्मिनियाको हिरासतमा राखिएको जनाइएको छ ।
ट्रेक्टर नेपाल प्रहरीको नियन्त्रणमा रहेको सशस्त्र प्रहरी बल नेपाल ११ नम्वर गणका एसपी विक्रम हुमागाईले जानकारी दिएका छन ।
घटनास्थालमा ठूलो संख्यामा स्थानीयले प्रदर्शन गरेपछि थप घटना हुन नदिन सुरक्षाकर्मी परिचालन गरिए जिल्ला प्रहरी कार्यालय रौतहटले जनाएको छ ।
ट्रेक्टरको ठक्करबाट बालकको मृत्यु
