रौतहट १९ चैत । मन्त्री तथा भीआईपीहरु सँगै उभिएर खिचेको आफ्नो तस्वीर देखाएर लाखौ रुपैया ठगी गर्दैआएका गौरका एकजना युवक पक्राउ परेका छन् ।
त्रिवि शिक्षण अस्पताल काठमाडौ स्थित बिए नर्सिङमा नामाङकन गराइदिने भन्दै लाखौं रुपैयाँ ठगी गरेका रौतहटको गौरका पवन कुमार सोनी पक्राउ परेका हुन् ।
भीआईपी कोटामा बिए नर्सिङमा नामाइकन गराउने भनी लाखौँ ठगेका स्थानिय दुर्गा भगवती गाउँपालिका ६ घर भइ गौर ५ बस्ने ३० बर्षीय पवन कुमार सोनी पक्राउ गरिएको जिल्ला प्रहरी प्रवक्ता डिएस्पी एलिजा गिरीले बताएकी छन् ।
सोनीले शिक्षण अस्पतालको बिए नर्सिङमा नामाङकन गराउने भनेर डोटी जिल्ला शिखर नगरपालिका ११ का जोगबहादुर बोहराको छोरी बिमला बोहरा सँग आठ लाख १० हजार ३ सय ७५ रुपैया ठगेको उजुरीको आधारमा पक्राउ गरिएको प्रवक्ता गिरीले जानकारी दिएकी छिन् ।
भिआइपी हरु संगै बसेर खिचाएको फोटो देखाउदै ठगी गर्ने पक्राउ
