रौतहट २१ चैत ।राष्ट्रिय सहकारी बैक चन्द्रपुर शाखाको आयोजनामा दुई दिने “अध्यक्षहरुको क्षमता अभिवृद्धि तालिम आयोजना गरिएको छ ।
होटल आरोहीमा पहिलो दिनको कार्यक्रममा जिल्ला भरिका ३१ वटा सहकारी संस्थाका अध्यक्ष हरुको सहभागिता रहेको थियो ।
कार्यक्रमको सहजीकरण राष्ट्रिय सहकारी बैक केन्द्रिय कार्यालयका तालीम अधिकृत राज कुमार बरालले गरेका छन ।
राष्ट्रिय सहकारी बैक चन्द्रपुर शाखा समन्वयन उपसमितिका संयोजक नरेन्द्र रानाको अध्यक्षतामा उद्घाटन भएको कार्यक्रममा , प्रमुख अतिथी वैकका केन्द्रिय संचालक सदस्य तथा मधेस प्रदेश इन्चार्ज बिश्वनाथ मण्डल ,तथा अतिथिमा रौतहट बचत तथा ऋण संघका अध्यक्ष बिभु पोखरेलको आतिथ्ययता रहेको थियो ।
कार्यक्रममा चन्द्रोदय साकोस का अध्यक्ष वसन्त आचार्य लगायत ३१ वटा सहकारीका अध्यक्षहरुको सहभागीता रहेको छ ।
कार्यक्रमको संचालन चन्द्रपुर शाखा प्रमुख रुपा थापाले गरेकी छिन ।
