रौतहट १५ बैसाख । छेदि चौक बाट गाँजा सहित प्रहरीले मानिस पक्राउ गरेको छ ।
अस्थायी प्रहरी पोष्ट छेदिचौक रौतहटबाट खटिएको प्रहरी गस्ती टोलीले बिशेष सूचनाको आधारमा कटहरिया नगरपालिका वडा नं. २ छेदिचौक स्थितमा शंकास्पद रुपमा जंगलसहियाबाट कटहरिया तर्फ आउदै गरेको प्र.२-०३-००१ह ३१५ नं. को अटोलाई चेकजाँच गर्दा चालक बसेको सिटमुनि रातो झोलामा लुकाई ल्याएको १० किलो ५ सय ग्राम गाँजा फेला बरामद गरेको छ ।
बारा निजगढ न.पा. १ बजार टोल का वर्ष ४२ को अनन्त बराइली अटो चालक र निजको श्रीमती वर्ष ३५ की मन्जु बराइली लाई पक्राउ गरेको छ ।
गाँजा, अटो र सोही अटोमा सवार मानिसहरुलाई नियन्त्रणमा लिई कारवाहीको लागि ईलाका प्रहरी कार्यालय गरुडा रौतहटमा राखि थप अनुसन्धान भई रहको छ ।
लागु औषध गाँजा सहित मानिस पक्राउ
