रौतहट, २१ चैत । माधवनारायण नगरपालिका वडा नम्वर ६ माधोपुरमा निशुल्क आँखा शिविर सम्पन्न भएको छ ।
ज्ञान निकेतन अंग्रेजी बोडिङ स्कुलमा सेवा निवृत कर्मचारी संघ , माधवनारायण ६ माधोपुर र स्थानीय संयोजन डाक फाउण्डेशनको आर्थिक सहयोगमा नेपाल नेत्र ज्योती संघ, गौर आँखा अस्पताल, आँखा स्वास्थ्य शिक्षा इकाईको आयोजनामा शिविर आयोजना गरिएको हो ।
उक्त शिविरमा ३ सय १९ महिला र २ सय १७ जना पुरुषग गरि ५ सय ३६ जनाले आँखाको परिक्षण गराएका छन । एक सय २७ जनाको आँखामा मोतिबिन्दु फेला परेको आँखा स्वास्थ्य शिक्षा इकाई शाखा प्रमुख तथा शिविर संयोजक सत्येन्द्र पाण्डेले जानकारी दिए ।
शिविरमा १ सय ६८ जना सामान्य बिरामीलाइ औषधी वितरण, १ सय ६५ जनालाई चस्मा वितरण गरिएको संयोजक पाण्डेले बताए ।
शिविरको उद्घाटन माधवनारायण नगरपालिका का मेयर बैजनाथ प्रसाद यादवले गरेका थिए ।
