रौतहट, १७ वैशाख। राजदेवी नपाको ब्रम्हपुरी टोलमा मध्यरात आगलागि हुँदा धनमाल जलेर नष्ट भएको छ ।
राजदेवी नगरपालिका वडा नम्वर ९ ब्रम्हपुरी टोलको कालिमन्दीर छेउमा बच्चा सिंहको जस्ताले छाएको चार कोठे पक्कि घरमा राति करिव २ बजे अचानक आगलागि भएको थियो ।
आगलागी बाट करिव १२ लाख मूल्य बराबरको धनमाल जलेर नष्ट भएको पिडितले बताएका छन ।
सशस्त्र सिमा सुरक्षा बल नेपाल नम्वर ११ गण हजमिनिया को अनुसार, सिंहको घरमा सबै जना सुतिरहेको अवस्थामा खाना पकाउने चल्होबाट आगो सल्किएको बताइएको छ ।
विओपी बेलविछवाबाट सशस्त्र प्रहरी निरीक्षक सुभाष खत्रीको कमाण्डमा ११ जना र प्रहरी चौकी लक्ष्मिपुर बेलविघवाबाट प्रहरी सहायक निरीक्षक हृदेश राउतको कमाण्डामा चार जना र स्थानीय बासिन्दाहरुको सहयोगमा आगो नियन्त्रण लिएको र पछि गौर नगरपालिकाबाट गएको दमकलले करिव ३ बजे आगो निभाएको सशस्त्र प्रहरीका एसपी विक्रम हुमागाईले जानकारी दिएका छन।
आगलागिमा मोटरसाइकल एक थान, साइकल ३ थान, लत्ताकपडा, गहुँ धान, चामल, गरगहना, एक लाख नगद सहित चार कोठे घर जलेर नष्ट हुँदा करिव १२ लाखको धनमाल जलेर नष्ट भएको बताइएको छ ।
