रौतहट १३ बैसाख । करिव ९ महिनाको अवधिमा सवारी दुर्घटनामा परेर रौतहटमा ४१ जनाले ज्यान गुमाएका छन ।
जिल्लाको बिभिन्न पालिका मा ४ सय ९६ वटा सवारी दुर्घटनाहुला महिला, पुरुष, बालबालिका गरी ४१ जनाको मृत्यु भएको हो ।
रौतहट जिल्लामा भएको दुर्घटनाहरुमा ७ सय ८५ जना घाईते भएको जिल्ला ट्राफिक प्रहरी प्रमुख,प्रहरी निरीक्षक सुशील आचार्यले जानकारी दिएका छन ।
अघिल्लो आर्थिक वर्षमा रौतहटमा ६ सय ४५ सवारी दुर्घटनाहुदा ५० जनाको मृत्यु भएको थियो ।
गत साउन देखि बैशाख १० गतेसम्म नियम बिपरित चलेका १६ हजार ९ सय ९१ सवारी साधन लाई कारबाही गर्दा १ करोड ५६ लाख,६३ हजार रुपैयाँ राजश्व संकलन गरिएको प्रहरी निरीक्षक आचार्यले जानकारी दिए ।
