रौतहट, ११ वैसाख । राजपुर नगरपालिकाको फतुहा महेशपुर स्थित हुलाकी राजमार्गमा टेक्टर दुर्घटना हुदा दुइजना घाइते भएका छन ।
फलामे छड लोड भएको ट्रेक्टर मंगलवार दिउसो दुर्घटनाहुदा चालक सहित दुई जना घाइते भएका हुन ।
प्र २ –०३ ००१ त ३८९ नम्बरको फलामे छड लोड गरेको टेक्टर राजपुर नपा २ फतुहा महेशपुर स्थित हुलाकी सडकमा अनियन्त्रित भई दिउँसआ करिव ४ बजे सडकको बाँया तर्फ खेतमा खसेर दुर्घटना भएको सशस्त्र प्रहरी बल नेपाल गण ११ रौतहटले जनाएकाे छ ।
दुर्घटनामा परेर दुर्गा भगवती गाउँपालिका वडा नम्वर ३ मत्सरी पर्सा टोलका ३० बर्षिय विश्वनाथ पंडितको निधार र हात खुट्टामा सामान्य चोट लागेको छ भने ३५ बर्षिय चालक मुकेश पंडित ट्रेक्टर मा च्यापिए पछि तत्काल राजपुर नपाको जेसेभीको मद्दतले उद्धार गरेर उपचारको लागि प्रादेशिक अस्पताल गौर पठाइएको सशस्त्र प्रहरीका एसपी विक्रम हुमागाईले जानकारी दिएका छन ।
तत्कालै सशस्त्र वेश क्याम्प फतुवा र इप्रका राजपुरबाट खटिएका सुरक्षाकर्मीहरुले जेसेभीको मद्दतबाट उद्धार गरी पंडितको दुबै हात भाँचिएर गम्भीर घाईते भएकोले अस्पताल पठाइएको सशस्त्र प्रहरीका एसपी हुमागाईले जानकारी दिएका छन ।
टेक्टर दुर्घटना हुदा दुइजना घाइते
