रौतहट २० चैत । नेपालमा सहकारीको स्थापना भएको दिन अर्थात ६७औं राष्ट्रिय सहकारी दिवस चन्द्रपुरमा मनाईएको छ ।
“सहकारिमा सुशासन:प्रबिधि र एकीकरण”भन्ने मुल नारा सहित बिहान ७ बजे चन्द्रपुर नगरपालिकाको कार्यलय बाट चन्द्रपुर नगर भित्र रहेका सहकारीकर्मीहरु उपस्थिति भै आ-आफ्ना सहकारी संस्थाको ब्यानर सहित,होटल एन प्लाजाको सभाहलमा पुगि सम्पन्न भएको छ ।
नगरपालिकाको सहकारी इकाई प्रमुख नसरे आलम शेखको सभा अध्यक्षतामा र प्रमुख अतिथि चन्द्रपुर नपा उप प्रमुख जय माला चौधरी,बिशिष्ठ अतिथी जिल्ला बचत संघका अध्यक्ष बिभु पोखरेल,राष्ट्रिय सहकारी बैक चन्द्रपुर शाखा प्रमुख रुपा थापा, जिल्ला बचत संघका सचिव तथा चन्द्रोदय साकोसका अध्यक्ष वसन्त आचार्य, दुग्ध उत्पादक संघका अध्यक्ष श्रीकृष्ण अधिकारी,गुन्जन सुचना तथा संचार सहकारीका स्टेशन म्यानेज संजय कार्की लगायतको आतिथ्यता रहेको थियो ।
कार्यक्रममा नगर भरिका दर्जनौ सहकारीकर्मी हरुको उपस्थिति रहेको थियो ।
६७औं राष्ट्रिय सहकारी दिवस को अवसरमा नव बिकास साकोस,स्वस्तिक साकोस ,जिल्ला बचत तथा ऋण संघ,राष्ट्रिय सहकारी वैक,तथा मुलघर कृषि सहकारी संस्था लाई सम्मानित गरिएको छ ।
कार्यक्रमको संचालन बिन्दबासिनी साकोसका ब्यबस्थापक जनार्दन कोइरालाले गरेका छन ।
