रौतहट, ११ वैसाख । देवाही गोनाही नगरपालिकाको करुनीया टोलमा मंगलवार दिउसो आगलागि हुँदा सात घर जलेर नष्ट भएका छन् ।
सो नगरपालिका वडा नम्वर १ करुनीया टोलमा विद्युत सर्ट भई आगलागि हुँदा सात जनाको घर पूर्ण रुपमा जलेर नष्ट भएकाे छ ।
आगलागीमा केही पशु चौपायाहरु समेत जलेर मरेका छन ।
दिउसो साढे ३ बजे सल्किएको आगो करिव ५ बजे नियन्त्रणमा आएको सशस्त्र प्रहरी बल नेपाल गण ११ हेडक्वाटर रौतहटले जानकारी दिएको छ ।
देवाही गोनाही सुरक्षा वेस क्याम्प र इलका प्रहरी कार्यालय देवाहीबाट खटिएका सुरक्षाकर्मीहरु, स्थानीय बासिन्दाहरु तथा गौर नगरपालिकाबाट गएको बारुणयन्त्रको सहयोगले आगो निभाइएको सशस्त्र प्रहरीका एसपी विक्रम हुमागाईले बताए ।
साबिर हुसेन, नजारुल अन्सारी, अन्सारुल अन्सारी, ईद महमद, मजिद अन्सारी, सोभराती अन्सार, अलिशेर अन्सार का सात वटै घरमा रहेका अन्न, लत्ताकपडा, भाडा , नगद सहितका सामानहरु जलेर नष्ट हुँदा करिव १६ लाख ९० हजार मूल्य बराबरको क्षति भएको प्रहरीले जनाएको छ ।
