रौतहट ११ चैत । चन्द्रपुर बागमती सडक खण्ड को मंगलपुरमा आइतबार बसको ठक्करबाट श्रीमान श्रीमतीको मृत्यु भएको छ ।
घटनापछि स्थानीयले पूर्वपश्चिम राजमार्ग बन्द गरेका थिए
बसको ठक्करबाट दम्पतीको मृत्युपछि आक्रोशित स्थानीयले दिउसो २ बजेदेखि बन्द गरेको पूर्व-पश्चिम राजमार्ग ३ घण्टापछि खुलेको थियो ।
पीडितको माग सम्बोधन हुने आश्वासनपछि सडक बन्द खुलेको हो ।
स्थानीयले राजमार्गमा टायर बालेर सडक बन्द गर्दा ठूलो संख्यामा सवारीहरु बाटोमै रोकिएका थिए ।
ठक्करबाट चन्द्रपुर–१ पौराईका ५६ वर्षीय जगतबहादुर राई र उनकी श्रीमती ५५ वर्षीया धनमाया राईको मृत्यु भएको इलाका प्रहरी कार्यालय चन्द्रनिगाहपुरले जनाएको छ ।
पीडितको माग सम्बोधन हुने गरी सोमबार छलफलमा बस्ने सहमतिपछि बेलुका साढे ५ बजे राजमार्गको खुलेको जिल्ला प्रहरी गौरले जानकारी दिएको छ ।
सर्लाहीतर्फ जाँदै गरेको मे १ ख २५३६ नम्बरको बसले साइकल चढेर जाँदै गरेका राई दाम्पतीलाई ठक्कर दिएपछि टाउकोमा गम्भीर चोट लागेका दुवैलाइ उपचारका लागि चन्द्रनिगाहपुर उपचारका लागी लगिएको मा अस्पतालले दुबैलाई मृत घोषित गरेको थियो ।
घटनास्थलमा इलाका प्रहरीका डिएसपी गौरव महत र ट्राफिक प्रहरी निरीक्षक सुशील आचार्य सहितको टोली पुगेर सडक खुलाएको र बस चालक बारा कोल्बीका धनबहादुर श्रेष्ठलाई नियन्त्रणमा लिएकाे प्रहरीले जनाएको छ
