मुकेश साह,रौतहट ०८ चैत्र । चन्द्रनिगाहपुर सिटी जेसीजले साईभर सेक्युरिटी सम्बन्धि सचेतना मुलक कार्यक्रम सम्पन्न गरेको छ । ईलाका प्रहरी कार्यलय चन्द्रनिगाहपुरको सहयोगमा बुधवार चन्द्रपुर ४ देवराली चौकमा अवस्थित ईन्फो टेक्नोलोजीको हलमा कार्यक्रम सम्पन्न गरेको हो । चन्द्रनिगाहपुर जेसिज बर्ष २०२४ की अध्यक्ष जेसी जानुका सापकोटाको सभाअध्यक्षतामा सम्पन्न कार्यक्रमको सहजीकरण प्रहरी सहायक निरिक्षक राजकिशोर कुमार यादव तथा प्रशिक्षक जेसी जितेन्द्र रौनियारले गरेका थिए ।
साईबर सेक्युरिटी तथा सामाजिक सञ्जालको प्रयोग र अपनाउनुपर्ने सावधानीका विषयमा प्रशिक्षकहरुले जानकारी गराएका थिए । जेसी आकाश रौनियारको संयोजनमा गरिएको कार्यक्रमको संचालन जेसी गोपाल हुमागाईले गरेका थिए । कार्यक्रमबाट करिव ५० जना विद्यार्थी लाभान्वित भएको जेसी जितेन्द्र रौनियारले जानकारी दिए ।
