रौतहट १९ फागुन । जंगलबाट चोरी गरी काठ लैजादै गरेको टेक्टर प्रहरीले बरामद गरेको छ ।
काठ तस्करी हुने गरेको सूचनाको आधारमा खटीएको प्रहरी टोलिले १९ गते बिहान करिव ९ बजेको समयमा काठ सहित टेक्टर बरामद गरेको हो ।
ईलाका प्रहरी कार्यालय डुमरियाबाट खटिएको प्रहरी गस्ती टोलीले गस्ती गर्दै जाने क्रममा चन्द्रपुर नगरपालिका वडा नं.९ स्थित चपुर गौर सडकमा चेकजाँच गर्ने क्रममा सन्तपुरबाट डुमरिया तर्फ जादै गरेको ना ५ त ९०६४ नंम्वरको ट्याक्टर चालक प्रहरी लाई देखेर फरार भए पछि टेक्टर नियन्त्रणमा लिएको हो ।
ट्याक्टर चेकजाँच गर्दा ना ५ त ९०६४ नंम्वर लेखिएको ट्याक्टरको ईन्जिनमा जोडिएको ना ६ त ९३५ नंम्वर को टेलरमा बन बाट चोरी गरी ल्याएको मसला जातको काठ लोड रहेको ट्याक्टर बरामद भएको हो ।
पचास हजार बराबरको मसला जातको काठ कारबाहीको लागि डिभिजन वन कार्यालय चन्द्रनिगाहपुर पठाएको प्रहरी निरीक्षक झलक प्रसाद शर्माले जानकारी दिएका छन ।
