रौतहट १६ चैत । लागू औषध गाँजा सहित प्रहरीले एक मानिस पक्राउ गरेको छ ।
चैत १२ गते बारा जिल्ला बछनपुर्वा वडा नं.६ स्थायी घर भई रौतहट फतुवाबिजयपुर न.पा. वडा नं. ११ भैसही टोल बस्ने बर्ष ६३ को दयालाल पासवान लाई गाँजा सहित प्रहरीले पक्राउ गरेको हो।
पासवानले आफ्नो घरमा लागु औषध गाँजा लुकाई छिपाई राखेको छ भन्ने बिशेष सुचनाको आधारमा दुधिअवा प्रहरी चौकी बाट खटिएको संयुक्त प्रहरी टोलीले घर भित्र लुकाई छिपाई राखेको लागु औषध गाँजा १७ किलो ५ सय ग्राम फेला परेको जनाएको छ ।
लागु औषध गाँजा सहित पक्राउ परेका पासवानलाई नियन्त्रणमा लिई आवश्यक कारवाहीको लागी ईलाका प्रहरी कार्यालय लक्ष्मिनिया मा राखि लागु औषध सम्बन्धि कसूर शिर्षकमा मुद्दा दर्ता गरी थप अनुसन्धान भैरहेको जिल्ला प्रहरी कार्यालय रौतहटकी डिएसपी एलिजा गिरी ले जानकारी दिएकी छिन ।
गाँजा सहित एक बृद्ध पक्राउ
