रौतहट २८ फागुन । ईलाका प्रहरी कार्यालय चन्द्रनिगाहपुर रौतहटबाट खटिएको प्रहरी गस्ती टोलीले गाँजा सहित मानिस पक्राउ गरेको छ ।
बिशेष सूचनाको आधारमा जिल्ला रौतहट चन्द्रपुर नगरपालिका वडा नं. १ नुनथर स्थितमा शंकास्पद रुपमा सामान सहितको बोरा बोकी सिन्धुली देखी पौराई तर्फ आईरहेका चन्द्रपुर नगरपालिका वडा नं. १ का ३७ बर्षका साने भन्ने सन्त तामाङलाई अवैध लागु औषध गाँजा १५ किलो ४ सय ग्राम र ४० हजार नगद फेला पारी आवश्यक कार्वाहीको लागी ईलाका प्रहरी कार्यालय चन्द्रनिगाहपर बाट थप अनुसन्धान भैरहेको प्रहरीले जनाएको छ ।
