रौतहट १३ चैत । गरुडा नगरपालिका- ४ स्थित कुशवाहा इन्टरप्राइजेजमा गएराति करिव १२ बजे तिर आगलागी भएको छ ।
आगलागी हुँदा गाडीको स्पेयर पार्ट र मोटरसाइकल , जिप,कारको सामानहरु जलेर नष्ट भएको कुशवाहा इन्टरप्राइजेजका प्रोप्राइटर दिलिप कुमार कुश्वाहले जानकारी दिएका छन ।
गरूड़ा स्थित कुशवाहा इन्टरप्राइजेजमा आगलागी हुदा करिव ६ करोड़ बराबरको स्पेयर पार्ट र चार तले घरमा रहेको सामानहरु जलेर नष्ट भएको प्रोप्राइटर कुशवाहाले बताए ।
होलीको समयमा पसल बन्द गरेर पुर्खौली घर गएका कुशवाहाको पसल रहेको घरमा सोमबार राती अचानक आगलागी सुरु भएको स्थानियले बताएका छन।
मोटरसाइकल पार्ट्स,घर र फर्निचरमा समेत आगलागी भएको थियो ।
आगलगीको कारण र घटना बारे अनुसन्धान भईरहेको इलाका प्रहरी कार्यालय गरूडाले जनाएको छ।
