रौतहट १८,चैत्र । ख्रीष्टीयन समाजको आयोजनामा रक्तदान कार्यक्रम सम्पन्न भएको छ ।चन्द्रपुर ४ स्थित होटल हिमालयनको प्राङ्गणमा भएको उक्त कार्यक्रममा ४३ जनाले रक्तदान गरेका छन् । कार्यक्रमको सभाअध्यक्ष समेत रहेका रौतहट ख्रीष्टीयन समाजका अध्यक्ष पास्टर दिपक राईले रक्तदान गरी कार्यक्रमको उद्घाटन गरेका थिए । मानिसको जीवन बचाउने कार्यका लागि रगत अत्यावस्यक भएकोले ईसाइ समाजले रक्तदानको कार्यक्रम आयोजना गरेको जानकारी दिनुभयो । उक्त रक्तदान कार्यक्रम चन्द्रपुर नगरपालिकाकी उप प्रमुख जयमाला चौधरीको आतिथ्यमा सम्पन्न भएको थियो । कार्यक्रममा उपप्रमुख चौधरीले रक्तदान महादान भएकोले रक्तदान गर्नका लागि प्रोत्साहित गर्नुपर्ने बताउनुभयो ।
नेपाल रेडक्रस सोसाइटी उपशाखा चन्द्रपुर रौतहटको सभापती कृष्ण प्रसाद अधिकारीले रक्तदानको मानवजीवनमा ठूलो महत्व रहेकोले रक्तदान जस्तो कार्यमा सवैको सक्रिय सहभागिता हुन जरुरी रहेको बताउनुभयो ।
ईष्टरको उपलक्ष्यमा आयोजना गरिएको सो कार्यक्रमको सहयोग सामुदायिक हेरचाह तथा अध्यन केन्द्रले गरेको थियो ।
ख्रीष्टीयन समाजको आयोजनामा रक्तदान कार्यक्रम सम्पन्न
