रौतहट २७ माघ । रौतहट बाट काठमाडौं जाँदै गरेको बस चितवनमा रोकिराखेको ट्रकसँग ठोक्किएर दुर्घटना २० जना घाइते भएका छन् ।
रौतहटबाट काठमाडौंतर्फ जाँदै गरेको बा प्र ०१–००६ ख २००४ नम्बरको बस शुक्रबार राति पूर्व–पश्चिम राजमार्गअन्तर्गत चितवनको राप्ती नगरपालिका–२ गड्यौलीमा सडक छेउमा रोकिराखेको प्र २०३–००१ ख ७३१२ नम्बरको ट्रकसित ठोक्किएको थियो ।
घाइते सबै बसका यात्रु रहेको जिल्ला ट्राफिक प्रहरी कार्यालय चितवनका प्रमुख सुरेश सुवेदीले जानकारी दिए । घाइतेमध्ये २ जनाको अवस्था गम्भीर रहेको छ । घाइतेहरुको चितवन मेडिकल कलेज भरतपुरमा उपचार भइरहेको छ ।
बसका चालक फरार रहेको र खोजीभइ रहेको ट्राफिक प्रमुख सुवेदीले बताएका छन ।
रौतहट बाट काठमाण्डौ जाँदै गरेको बस दुर्घटना, २० जना घाइते
