रौतहट १२ फागुन । विश्व का ५० भन्दा बढी देश पुगेर २ सय ६ पटक रक्तदान गर्ने स्व. अर्जुन प्रसाद मैनालीको १३औ पुण्यतिथिको अबसरमा चन्द्रपुरमा शोकसभा तथा रक्तदान कार्यक्रम आयोजना गरिएको छ ।
शनिवार चन्द्रपुर हस्पिटल प्रा. लि. मा कार्यक्रम गरिएको थियो ।
कार्यक्रमका सभाध्यक्ष डा. सुवास कुमार चौधरी, बिशिष्ठ अतिथी रेडक्रस उपशाखा चन्द्रपुरका सभापती श्रीकृष्ण अधिकारी, अतिथीहरु जनज्योती बहुमुखि क्याम्पसका अध्यक्ष सँजय कार्की, चन्द्रोदय साकोसका अध्यक्ष वसन्त आचार्यले स्वर्गीय मैनाली ले रक्तदान गरेर समाजमा पुर्याएको योगदानको स्मरण गर्दै उनलाइ श्रद्दान्जली दिएका छन ।
कार्यक्रममा ५३ पटक आकस्मिक रुपमा रक्तदान गर्ने चन्द्रपुरका बालकृष्ण श्रेष्ठ,दिवाकर सापकोटा, पवन भट्ट, राजु ठोकर, ४४ पटक रक्तदान गर्ने भरत आचार्य (चुडामणी ) ,बिधान कार्की,हाउस अफ जेन्टलमेन ग्रुप लाइ दोसल्ला र सम्मान पत्रले सम्मान गरिएको छ ।
चन्द्रपुर आसपासका रक्तदाताहरु, रेडक्रस चन्द्रपुरमा पदाधिकारी, सदस्य , संचारकर्मीहरु, चन्द्रपुर अस्पतालका स्वास्थ्यकर्मीहरु को कार्यक्रममा उपस्थिती रहेको थियो ।
