बारा १० फागुन । जीतपुर सिमरा उपमहानगरपालिका १६ दुधौरा पुल नजिक बाघको आक्रमणबाट बुधवार दुई जना घाइते भएका छन ।
रौतहट बौधीमाई नगरपालिका ३ मटेर्वा गाउँका ३० वर्षीय कृष्ण साह बनिया र ३५ वर्षीय राजु साहा बनिया घाइते भएको हुन्।
पूर्वपश्चिम लोकमार्ग अन्तर्गत बाराको पथलैया निजगढ सडक खण्ड मा मोटरसाइकलमा सवार उनीहरुलाई बाघले पछाडिबाट आक्रमण गरेको घाइते कृष्ण साह बनियाले बताए।
बाघको आक्रमण बाट सडकमा लडेका उनिहरुलाइ बसका यात्रुले होहल्ला गर्दै उदार गरेको कारण बाघ जंगलमा भागेको प्रत्यक्षदर्शी को भनाइ छ ।
बाघको आक्रमणमा परी राजुको दायाँ हात, बायाँ खुट्टा र टाउकोमा चोट लागेको छ। कृष्णको भने सडकमा लडेको ले दुवै हातमा चोट लागेको छ।
बाघको आक्रमणबाट रौतहटका २ जना घाइते
