सर्लाही, १५ फागुन । सर्लाहीको कौडेनामा सोमवार राति सडक दुर्घटना हुदा रौतहटका दुई जनाको ज्यान गएको छ ।
सर्लाहीको कौडेना गाउँपालिका वडा नम्वर ३ मा गएराति साढे ८ बजे मलंगवाबाट कौडेना तर्फ आईरहेको एचआर ५९ ए ०१३१ नम्वरको भारतीय नम्वरको स्कारपिओ र बिआर ०६ सीवाई ५०८६ नम्वरको मोटरसाइकल एक आपसमा ठक्कर खादा मोटरसाइकलमा सवार रौतहट को माधवनारायण नगरपालिका घर भएका दुई जना युवकको ज्यान गएको हो ।
मोटरसाइकलमा सवार रौतहट माधवनारायण नगरपालिका वडा नम्वर ६ का २३ वर्षीय सियानन्दन महतो र सोही ठाँउका १९ वर्षीय अजय महतोको मृत्यु भएको जिल्ला प्रहरी कार्यालय सर्लाहीका प्रवक्ता एवं डिएसपी दिपेन्द्र पंजियार ले जानकारी दिएका छन ।
स्कारपिओको ठक्करबाट गम्भीर घाइते भएका दुवै युवकलाई उपचारको लागि प्रादेशिक अस्पताल मलंगवा पुर्याइएको मा चिकित्सकले मृत घोषणा गरेका थिए ।
स्कारपिओ नियन्त्रणमा लिएको र चालक फरार भएको हुँदा खोजी जारी रहेको डिएसपी पंजियारले बताएका छन ।
