रौतहट १६ पुस । अवैध रुपमा भन्सार छली ल्याउदै गरेको सामान सहित एक जना मानिस पक्राउ परेका छन ।
पुस १५ गते जिल्ला प्रहरी कार्यालय बाट खटिएको प्रहरी गस्ती टोलीले कटहरिया न.पा. वडा नं. ४ र राजपुर न.पा. वडा नं. १ स्थित भातरबाट अवैध रुपमा भन्सार छली चोरी पैठारी गरेेको समान बरामद भएको छ ।
किराना, लत्ताकपडा र प्याज लगायतका सामान बरामद गरेको छ ।
एक लाख नौ सय चालिस बराबरको सामान सहित गौर न.पा. वडा नं. ३ बस्ने बर्ष ४० को हरिन्द्र चौधरीलाई नियन्त्रणमा लिई आवश्यक कारवाहीको लागी गौर भन्सार कार्यालय रौतहटमा बुझाएको गौरकी प्रहरी नायव उपरीक्षक एलिजा गिरीले जानकारी दिएकी छिन ।
