रौतहट २ माघ । मंगलवार पूर्व राजा ज्ञानेन्द्र शाहले रौतहटको शिवनगर मा रहेको महादेव मन्दिरमा दर्शन र पूजाआजा गरेका छन् ।
दिउँसो पूर्व राजा शाहले गरुडा नगरपालिका-५ शिवनगरमा रहेको महादेव मन्दिरमा करिव १० मिनेट दर्शन गर्दै पुजा गरेका छन ।
शिवनगर चोकदेखी मन्दिरसम्म सडकको दुबै तर्फ लाइन बसेका पुर्व राजाका समर्थकहरुले पुलमाला लगाएर स्वागत गरेका थिए ।
शिवनगरमा उनका समर्थकहरुले राजा आउ देश बचाउ, हाम्रो राजा हाम्रो देश, प्राण भन्दा प्यारो छ जस्ता नारा लगाएका थिए ।
रौतहट आएका पूर्व राजा शाहलाई हेर्न र स्वागत गर्न मानिसको ठूलो भिड ओर्लिएको थियो ।
आयोजक राष्ट्रिय शक्ति नेपाल जिल्ला कार्य समिति रौतहटले शिवनगर मन्दिरको छेउमा तयार पारेको स्वागत गेटमा श्री ५ महाराजधिराज ज्ञानेन्द्र वीर विक्रम शाहदेव सरकार लेखेको ब्यानर झुण्डयाएकाे थियो ।
सो ब्यानर प्रहरीले हटाउन र छोप्न खोज्दा पूर्व राजा शाहका समर्थकहरुले विरोध जनाएका थिए ।
राष्ट्रिय शक्ति नेपाल जिल्ला कार्य समिति रौतहटले पूर्व राजा शाहको रौतहट भ्रमणको व्यवस्थापन गरेको जिल्ला अध्यक्ष रामबाबु शाह तेलीले जानकारी दिएका छन ।
