रौतहट ६ माघ । सडक अतिक्रमण हटाउन चन्द्रपुर ६ ले सुचना जारी गरे पनि नहटाएपछि वडा कार्यालय आफैले हटाउन थालेको छ ।
चन्द्रपुर नगरपालिका बडा नम्बर ६ ले सडक अतिक्रमण गरी बनाएका घर टहरा हटाउन सुचना गर्दा नहटाएपछि शुक्रवार देखी हटाउन थालेको छ ।
वडा अध्यक्ष सहदेव केसीको अगुवाइमा सडक अतिक्रमण गरी बनाइएका घर टहरा हटाउने अभियान शुरु भएको हो । चन्द्रपुर नगरपालिका वडा नम्बर ६ को जनज्योति बहुमुखी क्याम्पसदेखि डाबर चोकसम्म सडक अतिक्रमण गरेर बनाइएका घर टहरा हटाउने अभियान थालिएको वडाध्यक्ष सहदेव केसीले जानकारी दिएका छन् ।
पटकपटक सूचना जारी गरेर अतिक्रमण गरिएको घर टहरा हटाउन भन्दा पनि अटेर गरेपछि बाध्य भएर अभियान थालेको वडा अध्यक्ष केसीको भनाइ रहेको छ ।
सडक अतिक्रमण गरेर बनाइएका घर टहरा नगरपालिकाको डोजर प्रयोग गरेर हटाउन थालिएको हो ।
चन्द्रपुर नगरपालिका वडा नम्बर ६ का विभिन्न स्थानमा रहेका सडकहरू अतिक्रमण गरेर बनाइएका घर टहरा तत्काल हटाउनका लागि वडा कार्यालयले सूचना जारी गर्दै जानकारी गराए पनि अटेर गरेपछि बाध्य भएर नगरपालिकाको डोजर प्रयोग गरेर घर टहरा हटाउनु परेको वडा अध्यक्ष केसीको भनाइ छ ।
चन्द्रपुर ६ मा भएको सडक अतिक्रमण हटाउन थालियो
