चन्द्रपुर २२ पुस । चन्द्रपुर नगरपालिकाको मुख्य चोक र चन्द्रनिगाहपुर गौर सडक खण्डको पिच मै टांसेर राखेका ठेला नगरपालिकाले हटाएको छ ।
संचारमाध्यम हरुमा सडक अतिक्रमण गरेर ठेला राख्दा दुर्घटनाको जोखिम बढेको बिषयमा समाचार संम्प्रेसण भएपछि चन्द्रपुर नगरपालिकाले त्यस तर्फ चासो देखाएको हो ।
मेयर संजय कुमार काफ्लेले सडक मै व्यापार गर्नेको ठेला उठाउन निर्देशन दिएपछि कार्यपालिका सदस्य नेत्र कुस्वार सहितको नगरपालिकाको टोलिले ठेला हटाएको छ ।
मेयर काफ्लेले पटक पटक सडक पेटीमा व्यापार नगर्न ,सडक अतिक्रम गरेर व्यापार नगर्न आग्रह गरेपनि नमानेपछि बाध्य भएर ठेला उठाउनु परेको बताए ।
सडककै छेउमा ठेला लगाएर व्यापार गरी बसेकाहरूको ठेला समेत उठाउने कार्यपालिका सदस्य नेत्र कुस्वारले बताएका छन ।
