रौतहट १८ पुस ।अवैध रुपमा भन्सार छली ल्याउदै गरेको मोवाईलहरु प्रहरीले बरामद गरेको छ ।
पुस १५ गते ईलाका प्रहरी कार्यालय चन्द्रनिगाहपुर रौतहटबाट खटिएको प्रहरी टोलीले चन्द्रपुर नगरपालिका वडा नं.५ तल्लोबजार स्थित चपुर गौर सडक खण्डमा चेक प्वाईन्ट राखेर सवारी साधनहरु चेकजाच गर्ने क्रममा गौर तर्फबाट चन्द्रनिगाहपुरतर्फ आएको यात्रु वाहक बसको डिक्कीमा रहेको ३ ओटा बोराहरु हेर्दा भित्र रहेको कार्टुनमा विभिन्न कम्पनीहरुको मोबाईलहरु फेला परेको छ ।
मोबाईल भएको बोराहरु बसमा सवार यात्रुहरुलाई सोधपुछ गर्दा उक्त मोवाईलहरु आफ्नो स्वामित्वमा रहेको आवश्यक बिल तथा कागजातपत्र पेश गर्न नसकेको हुनाले उक्त मोबाईलहरु अवैध रुपमा भन्सार छली ल्याएको हुन सक्ने भएकोले स्थानिय को रोहबरमा ३ सय ८७ थान मोवाइल बरामद गरेको छ ।
बरामद मोवाइलको मुल्य आठ लाख अठार हजार नौ सय छ रुपैया बराबरको रहेको प्रहरीले जनाएको छ ।
बरामद गरिएको मोवाईलहरु आवश्यक कारवाहिको लागि राजश्व अनुसन्धान कार्यालय पथलैया पठाएको प्रहरीले जनाएको छ ।,
भन्सार छलेर भित्राएको लाखौ मुल्यको मोबाइल बरामद
