रौतहट ६ माघ । श्रीकृष्ण प्रणामी युवा परिषद् नेपाल रौतहटले विपन्न परिवारका बालवालिकाहरुलाई न्याना कपडा सहयोग गरेको छ ।
समितिले श्री कृष्ण प्रणामी युवा परिषद् नेपालका केन्द्रिय उपमहासचिव अनिल कोइरालाको सहयोगमा रौतहटको चन्द्रपुर नगरपालिका वडा नम्बर ५ स्थित नहर टोलमा वसोवास गर्दै आएका २ वर्षदेखि ७ वर्षसम्मका ६० जना बालवालिकाहरुलाई न्याना कपडा सहयोग गरेको अध्यक्ष विमल सापकोटाले जानकारी दिएका छन ।
चन्द्रपुर नगरपालिका वडा नम्बर ५ को वडा कार्यालयमा वितरण गरिएको न्याना कपडा लिन अभिभावकहरु आफ्ना बालवालिकाहरु लिएर जम्मा भएका थिए।
कपडा नपाएकाहरुलाइ आगामि दिनमा व्यवस्था मिलाएर वितरण गर्ने श्रीकृष्ण प्रणामी सेवा समिति रौतहटका उपाध्यक्ष राम कुमार दाहालले बताए।
बितरण कार्यक्रममा चन्दपुर ५ का वडाध्यक्ष निलहरी कोइराला, गुरुजी सुदर्शन प्रसाद सापकोटा, श्रीकृष्ण प्रणामी सेवा समिती रौतहटका अध्यक्ष शिव प्रसाद आर्चाय, श्रीकृष्ण प्रणामी युवा परिषद् मधेश प्रदेश कोषाध्यक्ष उद्धव प्रसाद तिमल्सिना ,सहकोषाध्यक्ष नन्दलाल दुलाल, चन्दपुर अस्पतालका कुल प्रसाद तिमल्सिना, माउण्ट एभरेष्ट आवासिय माविका संचालक उमेश बाँस्कोटा,को उपस्थिती रहेको थियो
