नेपाल डेरी एसोसिएसन मधेश प्रदेशको ५ औं वार्षिक साधारण सभा सम्पन्न

रौतहट २१,पुस । नेपाल डेरी एसोसिएशन मधेश प्रदेशको ५ औं वार्षिक साधारण सभा सम्पन्न भएको छ । सर्लाहीको नयाँ रोडमा रहेको मंगलम डेरी एन्ड फुड ईण्डट्रीमा उक्त साधारणसभा सम्पन्न भएको हो । डेरी एसोसिएसनका मधेश प्रदेश अध्यक्ष राघो सिंहको अध्यक्षतामा सम्प्नन भएको कार्यक्रममा प्रमुख आतिथी एसोसिएसनका केन्द्रीय उपमहासचिव बिजय चौरसिया रहेका थिए । कार्यक्रमका प्रमुख अतिथी चौरसियाले दूध उत्पादक किसान र दुध व्यवसायीका वीचमा सुमधुर सम्बन्ध हुनुपर्ने र मुलकलाई दूधमा पूर्ण रुपमा आत्मनिर्भर बनाउन सकिने बताए । कार्यक्रमका अतिथी एसोसिएसनका केन्द्रीय सदस्य नविन चौरसियाले संस्थाले के दियो भन्दापनि संस्थालाई के दिने र कसरी संस्था बलियो बनाउने तर्फ सवै लाग्नु पर्ने बताए । उनले मधेश प्रदेशमा थप दुग्ध ब्यपारीहरुलाई जोडी संस्थालाई थप बलियो बनाउन लाग्नु पर्नेमा जोड दिए । अन्त्यमा मधेस प्रदेश अध्यक्ष राघो सिंहले दुग्ध व्यवसायीको हालको पिडा र समस्याबारे स्पष्ट पारेका थिए । कार्यक्रममा बिभिन्न डेरीका संचालकहरुको उपस्थिति रहेको थियो ।