रौतहट १७ पुस । चन्द्रपुर–५ मा गएराती अटो दुर्घटनाहुदा २ जना भारतीय नागरिकको मृत्यु भएको छ ।
पूर्व–पश्चिम राजमार्गको चिडियादह चोक नजिक सर्लाही जाँदै गरेको ट्यांकरले बागमती स्थित नुनथरबाट आउँदै गरेको अटोलाई ठक्कर दिँदा अटोमा चढेका दुई भारतीय नागरिकको मृत्यु भएको हो ।
नुनथरबाट चन्द्रनिगाहपुर तर्फ आउँदै गरेको गरेको ज १ ह ४४८५ नम्बरको अटोलाई अम्लेखगञ्जबाट सर्लाही जाँदै गरेको प्रदेश २–०३–००१ ख १९२७ नम्बरको ट्यांकरले ठक्कर दिएको थियो ।
दुर्घटनामा परि मृत्यु हुनेमा भारतको सितामाढी जिल्ला डुमरी बस्ने ३५ वर्षिय पिंकु सिंह र २२ वर्षिय अवधेश राम रहेको ईलाका प्रहरी कार्यालय चन्द्रनिगाहपुरले जनाएको छ।
मृतक दुवैजना अंग्रेजी नयाँ वर्ष मनाउन चन्द्रपुर–१ स्थित नुनथर गएका थिए । टेम्पो चढेर चन्द्रनिगाहपुरतर्फ आउँदै गर्दा ट्यांकरले ठक्कर दिएको थियो ।
दुर्घटनामाा चार जना घाईते भएका छन् । उनीहरुको चन्द्रपुर अस्पतालमा उपचार भईरहेको प्रहरीले जनाएको छ ।
ट्यांकर चालक रौतहटको दुर्गा भगवती गाउँपालिका–६ गंगापिपराका २६ वर्षिय प्रविण साहलाई नियन्त्रणमा लिएर अनुशन्धान थालेको इलाका प्रहरी कार्यालय चन्द्रपुरले जनाएको छ ।
नुनथर घुमेर फर्कदा अटो दुर्घटना, दुइजना भारतिय नागरिकको मृत्यू
