रौतहट २५ मंसिर । मौलापुर बजारमा प्रहरी बिट नजिकै मोबाइल पसल चोरी भएपछि स्थानिय आक्रोशित भएका छन ।
आईतवार इलाका प्रहरी कार्यालयदेखि २ सय मिटर टाढाको पसलमा चोरी भएको थियो ।
आक्रोशित स्थानीय तथा व्यापारीहरुले आईटी चौकमा टायर बालेर प्रहरी विरुद्ध प्रदर्शन गरेका छन ।
घटनामा संलग्ल लाई अविलम्ब पक्राउ गरी कारबाही गर्न उनीहरूले माग गरेका थिए ।
मौलापुर नगरपालिका– ५ स्थित आईटी चौकमा रहेको लक्ष्मी ट्रेडर्स हब मोबाइल पसलबाट १६ लाख बराबरको समान चोरी भएको पीडितले बताएका छन् ।
पसलको सटरमा लगाएको ताला फुटाएर चोरी भएको सञ्चालक धीरज पटेलले जानकारी दिए ।
चोर ले स्मार्ट फोन ३० थान , स्मार्ट एलईडी ४३ इन्च ६ थान, किप्याड मोबाइल ४० थान, राईस कुकर ५ थान, आइरन ४ थान, ल्यापटप १ थान, आईफोन १ थान लगायत अन्य समानहरु लागेकाे पटेलले बताए ।
घटनाको बिषयमा इलाका प्रहरी कार्यालय मौलापुरका प्रहरी निरिक्षक कुशल बर्तौलाले अनुसन्धान भइरहेको जानकारी दिएका छन ।
मौलापुरमा मोवाइल पसलमा चोरी
