घरेलु मदिरा नष्ट

चन्द्रपुर १२ पुस । प्रहरीले घरेलु मदिरा बरामद गरि नष्ट गरेको छ ।
पुस १० गते इलाका प्रहरी कार्यालय मातहत अस्थायी प्रहरी पोष्ट चन्द्रनिगाहपुर, तल्लोबजार बाट प्र.स.नि.दिपेन्द्र प्रसाद यादवको कमाण्डमा खटिएको प्रहरी टोलीले घरेलु मदिरा बरामद गरेको हो ।
चन्द्रनिगाहपुरबाट गौर जाने सबारी साधनहरू चेकजाँच गर्दा लुकाई छिपाई ल्याएको अन्दाजी ५५/६० लिटर घरेलु मदिरा बरामद गरी नष्ट गरिएको प्रहरीले जनाएको छ ।